رابطة قاسيون لأتحاد شبيبة الثورة
أهلا بكم في موقع رابطة قاسيون لأتحادشبيبة الثورة
نحو انطلاقه جديده .. لاسترجاع مكانه موقعنا.. ساعدنا لنرتقي مره اخري

اذا كنت زائرا لاول مره فأهلا وسهلا بك اخا عزيزا

واذا كنت زائرا دائما .. يسعدنا تسجيلك معنا وانضمامك الينا

وان كنت عضوا .. سجل دخولك وساعدنا لنرقي مره اخري

منتظركم جميعا

ضع بصمتك معنا


مدير موقع رابطة قاسيون:صالح جمال الدين


منتدى الشباب السوري رابطة قاسيون شعر أغاني صداقة صور مشاهير موقع اكاديمية منوعة وشاملة..ترفيهية ثقافية..دينية..تعليمية.أجتماعية..رياضية.وجميع برامج الانترنت والكمبيوتر
 
الرئيسيةالبوابةاليوميةمكتبة الصورس .و .جبحـثالمجموعاتالتسجيلدخول

شاطر | 
 

 من التراث الشامي العريق

اذهب الى الأسفل 
كاتب الموضوعرسالة
صالح جمال الدين
مدير الموقع
مدير الموقع
avatar

المدرسة أو الجامعة : إدارة أعمال في الجامعة البريطانية
عدد الرسائل : 278
العمر : 26
النجوم : 10478
تاريخ التسجيل : 06/01/2011

مُساهمةموضوع: من التراث الشامي العريق   الثلاثاء فبراير 22, 2011 2:07 am

(طبعا الكثير من المفردات دارجة في بلاد الشام بشكل عام - سعيد)



دشرو: يعني حل عنو، وحل عنو يعني اتركه بحاله


دغري: يعني إلى لقدام بشكل مستقيم

إحكي الدغري: يعني تكلم من غير لف و لا دوران

قوم دغري : يعني إنهض هللأ ) الآن (

ماني غضران : يعني لست بقادر وهي) بالميداني(

يوه تشكل آسي : يوه مفرده يأتي شرحها لاحقاَ

تشكل آسي (بعيد الشر) تعبير يفيد شدة حب المتكلم للمتكلم عنه و بمعنى أدق أن تعقد أوراق الآس على قبري

والآس شجرة خضراء توضع غالبا على القبور عند الأعياد و زيارة القبور.

وهنا دلالة على أن قائل المقولة يحب محبوبه لدرجة الموت في سبيله و يحب أن يزوره محبوبه و يعقد الآس على قبره.

تقبر قلبي : مثل يلي قبلها.

يقبر عضامي: متل يلي قبلها و قبلها.

ريتو يطلع على قبري : متل يلي قبلها وقبلها و قبلها.

تكفنني : كذلك الأمر متل يلي سبقوها...حلكم تعرفوا المغزى

الشدة : و هي ورق اللعب المشهورة عالميا و مؤلفة من 52 ورقة و أربعة أصناف من الورق

الواه الواه : تعبير نسائي قح يفيد التمسخر على المخاطب

يوه الواه الواه : مفردة شهيرة جدأ عند النساء وتفيد الأوية

معبّا بـ بنطرون : يعني واحد أجدب وجاي يحكي

ولا : آداة تستخدم في النهر والشتم

وخنان عجمي : مسبة مانها ظريفة لكنها تستخدم للنهر عن الزعيق و الصياح...ربما المقصود بها الرسن الذي يوضع للدواب.

هش ...تع : تستخدم لنفس السبب السابق

أيدي **نارك : تعبير يستخدم للتعبير عن الرجاء

دخيل الله : أيضاَ تعبير والمقصود به هو الاستغاثة بالله و تستخدم أيضا لشدة الفرح و الإعجاب

شعره متل الشوشة : أي أن شعره منفوش ومنكوش

شاشية : و هي الخرقة البيضاء تستخدم لعدة إستخدامات ( كصنع اللبنة)

نملية : و هي المخزن الذي توضع فيها المونة

الشوبك : و هي أداة تستخدم لترقيق العجين (سابقا حاليا سلاح نسائي محظور بالدول المتقدمه)

وضرّاب السخن : وهي مسبة. . وتعني ........ ما بعرف مسبة وبس

عكروت : يعني خبيث و ملعب

كَوكِش : يعني يفتش و يبحث

بَحبِش : بفتح الباء و تسكين الحاء أيضاً مفردة تعني البحث مع التمحيص

ينمحق : ويعني ينضرب على قامتو . . يسطفل

يسطفل : يعني زنبو على جنبو

يبعتلو حمى : أي تصيبه حمى ويمرض

يتحورق : متل يبعتلو حمى بس على أضرب ومعناها يحترق بالنار

يتقوص : بنفس المعنى و معنها المباشر يضرب بالرصاص

يتأمع : كمان هيك شي و معنها المباشر..يتم فصل رأسه عن جسده كما يتم تأميع البامية

أأعود يقعد رزك : يعني خيلتنا حاجة تحوص... و الحوص يعني تحرك جيئة و ذهابا في نفس المكان

والمعنى الأدق: يقعد رزك يعني تموت والناس ياكلو رز. .

لأنو من المعروف عندما يموت حدى بتصير عزيمة وبيطعمو الناس أوزي على روح الميت

والأوزي أكلة معروفة بالشام مألفة بشكل رئيسي من الرز

حاج أفلمة: و تعني كفاك مزاح ثقيل.(أو سحب أفلام)

يحرق حريشه: و هي مسبة مخففة عن مسبة أصلية..و حريشه..المقصود فيها حريمه

وين غاطط : وين مو مبين أو تعني فيما تفكر و أين وصلت في تفكيرك

والسبع تنعام : يعني إلنا الشرف

و النعم : مثل سابقتها

حيط بياخذو وحيط بيجيو : تقال للي بيسكر من كتر الترنح

مابيعرف الخمسة من الطمسه : عن الرجل يلي ماعندو ثقافة

سرّي مرّي : يلي بيخفق برات البيت وبخفق يعني يذهب و يعود جيئة و ذهاباو تعني أيضا رجع بخفي حنين

شندي بندي : للي بيحكي بلا طعمه شروي غروي

فايت بالحيط – طاقق الفيوز : للدلالة على انو ماعم يعرف يحكي مزبوط

مجنط : مفلس وما معه ولا قرش

مطقم : لابس بدلة

مأنتك : لابس على آخر طرز

كحته : إيدو ماسكه على المصاري . بخيل

شاطط ماطط : يعني مدلع زيادة

نعيان : يعني قلبو بارد

نايط = نعيان = بارد

شاضومه : بنت مجلوئة . . يعني كيف بدي إلكن . ... . قليلة أدب ومصبينه

شحاطة : مايلبسه المرء في قدمه عندما يكون في المنزل

بابوج:ما يلبس في القدم خارج المنزل

تعسيله : نومة بعض الظهر

مسرسبة : يعني بتحب النظافة كتير



أسسييع - أوعى الزيت : بمعنى وسع وفسح طريق

إغّيييييى : تعبير يسخدمه الأبضايات وبس

إتي بريتي : تستخدم كذلك للأبضايات ...وهي نوع من التخويف

العمى : تقال عند الدهشة

العفش : يقولها البعض كذلك عند الدهشة

جلالة : بتسكين الجيم يعني برداية و هي ما تغطي النوافذ

تجليلة : ماكانت تغطى بها المفروشات خارج مواسم الأعياد

تأكلو الدودة العميا : يعني الواحد يموت وياكله الدود (بعيدالشر ..(

هات لإللك: أي عطيني لورجيك كيف الشغل

يبعتلو أتلو شو سمج : كمان يعني يموت وسمج يعني غليظ

موسوس : مهووس بشي

عقلو جوزتين بخرج : يعني عقله صغير وقليل التدبير

متل الأطرش بالزفة : يعني ما فهمان ومالو علاقة بالموضوع

حاج تحوص وتلوص : يعني حاجة تفتل وتدور

شوية الرخار : بعد شوي(يعني بعد برهة من الزمن)

بنت عمي : يعني مرتو ...و الع** صحيح



مع ملاحظة قراءة كل حرف ((ق))(( أ)) (مثال تنمحق - تنمحأ)

وهذه كلمات متداولة فقط عند أهل الشام الأصليين
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.kaseoon.yoo7.com
 
من التراث الشامي العريق
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
رابطة قاسيون لأتحاد شبيبة الثورة :: سوريا :: الفلكلور الشعبي السوري-
انتقل الى: