جواد / لبنى
ـ مرحبا حبيبتي .. كيفك .. " وطبعاً هي الجملة الأولى يلي بيقولها "
ـ أهلين جواد .. ليش ماعم تسمعني صوتك " لانو صرلو 3 أيام ماحكى معها "
ـ صدقيني كنت مشغول كتير وعنا مشاكل بالبيت " يا حسرتي اديش بيضل مشغول "
ـ خير انشاء الله " مع تفاجؤ شديد وكأنو مشكلتها "
ـ لا لا مافي شي هيك مشكلة صغيرة " لم يستطع تجهيز كذبة سريعة "
ـ يعني معقول ماتحكيلي " حشرية "
ـ مبلا ... الله يسامحك .... أنا مابحكيلك ... بس مو قدران احكي هلأ .. بحكيلك بعدين أي " لربما هناك أحد جنبه "
ـ أي ماشي .. ايمت بدي شوفك " يا لطيف يعني شو رح يصيرلك اذا شفتيه "
ـ السبت منيح شو رأيك " قولي لا قولي لا "
ـ أي ثواني لشوف مواعيدي ههههه " يي على سئالة الدم "
ـ هههههه أي ههههه" انجلط "
ـ أي ماشي ماعندي شي .. أي ساعة
ـ مممم خلينا على اتصال
ـ طيب ماشي
ـ بدك شي
ـ مع السلامة باي
" وينتهي الحوار ويلتقط كل منهم أنفاسه ويبتسم "
الخميس : " ماحدا لحدا يا حبيبي ماحدا لحدا "
الجمعة : " ولا رسالة حتى .. ولكن حدث حوار صغير "
ـ لبنى .. شو رأيك نروح بكرا عالسوق " مابيشبعو روحة عالسوق "
ـ لا والله ياحبيبتي بكرا بدي روح مع جواد " مع ابتسامة وهيي عم تزبط أظافرها "ط
ـ واااااااااو أي شو هاااااااااااد " بس احراج مو مشان شي يعني "
السبت :
ـ أي ساعة بدك تروحي مع جواد " حشرية "
ـ مابعرف لسا ماحكا " بحزن "
ـ أوعك تحكي معو لشوف آخرتو هي مو اول مرة بيعمل فيكي هيك " حشرية وشوفة حال وبياخة وشو دخلك يعني "
ـ مارح احكي معو
" وينتهي الحوار "
نهاية السبت : " لا يوجد أحد في الأفق "
الأحد : " لا حياة لمن تنادي "
الاثنين : " الساعة 12 بالليل تخيلو يرعاكم الله "
ـ آسف آسف بس عنجد كنت مضغوط " لانو اخونا الصراحة امو كانت نسيانتو بطنجرة الضغط "
ـ مـ .. ـو ..مشـ ... ـكلة " بنشافة مصطنعة جداً "
ـ شبك مو على طبيعتي " لا على صناعتي "
ـ مو على اساس بدنا نروح نشوف بعض " وكأنو ماسمعت أول جملة "
" وطبعاً على مشغول ومضغوط ومشاكل بيتية بترجع البنت على طبيعتها وبترجع تحكي معو وكأن شيئاً لم يكن "
فقولولي انتو بالله عليكون شو اسمو هاد ؟؟؟؟؟؟؟؟؟؟؟؟؟؟؟؟؟؟؟؟؟؟!!!!!!!!!!!!!!!!!!!!