تعوا نحكي قصة !!

هون يا جماعة خلونا نعمل يعني متل مسابقة عالمية لأفضل مكمل \مكملة لهالقصة والذي سيحوز بفوزه على صورة معي ( عم امزح هههه )
بيكفي انو ياخد لقب أفضل كاتب \كاتبة
بس بدي الكل يأرجينا ابداعاتو الخيالية ..

ندى فتاة صغيرة .. تحب الضحك ( متلي يعني )
كانت عم تمشي مع حيوانها الكربوج ( غير معروف مين هوي )
وعم تتمشى بالأدغال متل طرزان ( بس مع تياب !! )مع حيوانها الكربوج الغير معروف مين هوي
ماشية بأمان الله .. يا مغيث .. بيت .. كوخ .. شي من هذا القبيل
خطوة .. خطوتين .. تلات خطوات ( ولعية ) يعني مشيت للكوخ للبيت للشي من هذا القبيل وهيي خايفة ( هيك خويفة سبحان الله .. خلقة )
طق طق طق .. طاق طاق طاق .. لا حياة لمن تنادي
ما كان حدا يفتح الباب .. وااااااااااااااااااااع .. يا مغيث سمعت ندى صوت واحد عم يبكي وعالأغلب ولد فصعون صغير
( الظاهر عامل شي عملة ) ندى فرطت من الضحك لانو صوت الولد كان بيضحك ( تخيلوه ) ومن كتر ماضحكت فرطت ووقعت عالأرض ( الله الله )
بعد ماخلصت فرطة ..
يمين يسار ( طلعت ) يمو !! وين حيوانها الكربوج الغير معروف شو هوي
يسار يمين ( تطلعت ) مالقتو
ززززززززززززززززززززء ( انفتح الباب .. هي صوت الزئزئة )
بلعت لعابها وقالت : صدق من قال آخر الضحك بكي .. وين صوت الولد يلي عامل شي عملة .. الظاهر حدا نضفو ... منيح .. نعمة ( هيك قالت ندى لحالها )
قالت ندى : ليش لفوت عالبيت .. من آداب دخول بيوت العالم الاستئذان .. بعدين مابيصير فوت على بيت مافيو حدا
اجت لترجع قام لقت حيط قدامها .. هه ايمت طلع هاد .. شو هي نبتة حيطان سريعة النماء .. هه
بلعت لعابها وقالت .. أمري لله .. بلا مافوت بلحيط .. خليني فوت عالكوخ أحسن .. أي
حركة دورانية وصارت قدام الكوخ
بلعت لعابها .. يي البحر الأحمر .. شو جابو لهون !! الظاهر هي مغامرة وهي المرحلة الأولى
لازم اسبح لحتى اجتاز هالمرحلة .. شك .. خبطت بالأرض .. آآآآآآآآآآآآخ يا راسي
يع شو هاد .. دم .. يووووووووووووووع ( طلع البحر الأحمر يلي شافتو دم )
اضططرت ندى انو تشلح جراباتها لحتى تمسح الدم يلي على وشها ( مابتقدر تشلح شي تاني .. رح تقولو انو معقول ماتبللو بالدم .. هيي لانو وقت شكت ضلو رجليها لفوق فالحمد لله ماتبللو )

وااااااااااعع عع ع ( هيك آخرها للبكوة مدري كيف )
هه شو هاد لحق يعمل عملة تانية ( قالت ندى )
تررر رررك .. شو خبط ..
هون بقى انشقت الصفحة وماعد عرفنا كمالة القصة
شو رأيكون تكملوها من هون
يلا ارجونا المبدعين